《好過癮的重慶麻辣鍋》
被譽為中國十佳火鍋之一的漲格
連我呢個唔食得太辣既人都被牛油麻辣鍋吸引
近日又有好多報章雜誌介紹
所以趁未有人潮洶湧當然要早啲去試！
平日晚上既7點
只有我同另外一枱
可能係時間太早
咁仲好，我可以慢慢研究食咩好！
《特色麻油》
呢罐唔係飲品黎！
以自家製麻油取代豉油
估唔到咁香，仲解到辣
《麻辣九宮格 $128 (玫瑰牛油免費)》
食重慶火鍋，一定係食麻辣！
呢度既麻辣鍋絕不惹小
未食見到大量辣椒
我只係點左小辣已經辣到跳舞！
好惹味既香辣而唔係一味死辣
當店員將玫瑰花牛油放上九宮格真係好有趣
我仲質疑店員件牛油會唔會唔溶
不過真係慢慢溶入鍋中
加入牛油後湯底多左一分濃稠
食物其實唔會特別油膩
不過記得盡量唔好將火較得太細
因為油會凝結於表面
《串串牛肉 $88》
必點
一客三串，以牛頸脊包住酸辣泡椒
食起來非常方便
牛頸脊肉味夠濃而肉質有口感
酸辣泡椒既酸味突出而又同麻辣味好夾
《牛舌 $88》
牛舌放到好似花咁靚！
牛舌因爲冰鎮關係要等一段時間先抽到出黎
每片牛舌質感較薄
容易煮熟同入味
最啱心急要食野既朋友
《黑柏葉 $108》
識食梗係食黑柏葉
黑柏葉比白柏葉更彈牙更爽
重點係無漂過食得更安心
《紅糖糍粑 $58》
必食
糍粑口感煙軔
因為炸過關係外層帶脆軔口感
我自己就非常鐘意！
而且糍粑上有紅糖粉所以甜甜地
最啱打邊爐食到一半既時候紓緩一下口中既辣味！
《海白菜 $38》
必食
第一次食海白菜
原來質感好似菜甫咁脆脆地
又夠厚身
係食完又想再食既菜！
《功夫土豆片 $42》
土豆片好靚好似紙咁薄
易熟但略嫌缺乏口感
雖然辣但我食得好開心，好有新鮮感。
留言
張貼留言