跳到主要內容

和牛 @和牛燒肉‧純 尖沙咀

一直想試試這間燒肉店晚市的質素,曾來過一嚐午餐,感覺都不錯而價錢合理,
今晚決定的起心肝來試試!


一到餐廳,侍應已經好友善地帶我和朋友到房間旁邊的卡位就坐,無論私隱度及舒適度都十分理想,隱約聽到旁邊房間的人歡懷暢飲中,大家都好享受晚上的相聚時刻。


前菜有三文魚沙律,味道不錯


既然咁開心,當然要揀靚牛享受下!


<特選日本產和牛肉眼(鹽燒) $550>


一見到肉眼已經變成心心眼,肉眼的紋路紅白交織,肉同脂肪形成的雪花真是賞心悅目。肉已經預先切成八件,方便燒烤。


當放到爐中時,高溫將油脂迫出,食起來不會過分油膩。
牛的質感是這晚食過的肉入面最柔軟,最嫩滑!




<日本產和牛肩眼 $225>


相比和牛肉眼,和牛肩眼脂肪較少,食起來少一分油膩感。肉質柔軟,在口中咀嚼既時候感覺軟綿,雖未及肉眼咁入口即溶,但以性價比來說確實略勝一籌。



<牛舌 $108>

牛舌較薄身,每面只需要燒數十秒就完成。質感較薄的關係,口感爽脆。



<和牛上牛排肉 $205>

根據餐牌中的描述,上牛排肉是位於側腹附近的一小塊肉,屬稀少部位。
食起來的時候感覺到肉汁豐富,口感柔軟。


<牛內臟拼盤 $138>


拼盤包括牛胃、牛肝及牛腸。去日本食燒肉一定會點牛內臟,回到香港亦只能在較高級的日式燒肉店才能找到。

牛腸除了在牛腸鍋(もつ鍋)表現出色外,燒烤亦有另一番滋味!經過燒烤後,牛腸中的肥膏會燒成肥油滴到爐中,牛腸只剩下外層及少量已被燒香的肥膏,爽口而油香滿溢!


牛肝外表與豬潤相約,本以為味道會與豬潤一樣,但食起來原來少了一份像豬潤般獨特的味道。



粟米亦十分甜美

💗大合照💗

<以下是餐牌>




留言

這個網誌中的熱門文章

比台灣吃過更好吃的台灣菜 @圓山 尖沙咀

剛剛去完台灣返嚟,已經非常懷念台灣嘅美食 幸好公司附近有呢間一直想試嘅圓山台式料理 所以同同事喺午市嘅時候黎嘆番吓 午市點心套餐$178 呢個點心套餐好適合二人分享 套餐包四款點心 兩碗肉燥飯 同埋兩盅燉湯 《招牌雪影叉燒包》 非常有水準! 比起海港城新開既xx館$60一籠既叉燒包好食得多 包面焗得香脆,中間叉燒餡料份量十足 叉燒汁又夠多,真係食過番尋味! 《台式胡椒餅》 胡椒餅好似葉既形狀,本來以為平平無奇 估唔到咬落去既時候外層好似酥餅咁 中間既肉 充滿肉汁 咀嚼時感覺到胡椒既惹味! 《台式小籠包》 小籠包比起我喺台北機場食既好食好多! 呢客小籠包粒粒都好多汁好甜美 記住要趁熱食! 《金網肉汁煎鍋貼》 鍋貼是另一推介既點心 從來未見過咁漲卜卜既鍋貼 真係好大隻好肥美! 《紅蘿蔔豬骨湯》 湯幾甜,飲完唔會口渴 《肉燥飯》 《台式雙拼-鹽水鴨+蛋黃小卷》 鹽水鴨肉質幼嫩扎實 無諗過鴨肉可以做到咁細緻 蛋黃小卷感覺好似魚肉腸 帶彈牙口感 《鹽酥雞》  相比起以上咁多種食物 呢碟鹽酥雞就顯得較為遜色 鹽酥雞每件都比街頭食到嘅大 入口雖然酥脆但比較油膩 ----------------------------------------------------------------------------------

中西薈萃 Fang Fang@中環

放工後去中環 當然係飲酒放鬆既好時候 今次去既呢間餐廳,集合新式中菜同酒吧既元素 令人食得開心,飲得暢快 餐廳位置LKF Tower 先要路過蘭桂芳感受下快樂氣氛 一上到餐廳,有一位金髮外國姐姐報以燦爛笑容歡迎 餐廳裝潢時尚高雅 差點忘記我黎食中菜確實有驚喜 店員好主動介紹餐廳特色菜式 全部店員都唔係華人既關係 以英文介紹中國菜對我黎講真係一個新體驗 《咖哩葉軟殼蟹 $165》 先來一客前菜,味道非常惹味 唔好以為有好多辣椒伴碟就好辣 其實只係微辣,味道偏咸 最適合配啤酒 不過我點左最愛既Rose飲所以都已經好開心 《茉莉花綠茶熏豬肋骨 $250》 當豬肋骨黎到既時候 係以玻璃蓋蓋著 店員好聰明地等我地相機ready先開 原來係有帶茉莉花同綠茶既煙緩緩飄出 店員主動幫我地將豬肋骨切成一條條 確實貼心 豬肋骨肉夠軟腍而帶口感 味道帶燒烤汁既甜味,仲有陣陣煙熏味 《宮保雞丁 $190》 估唔到我第一次食宮保雞丁係喺呢間新派中菜館 而菜式賣相非常討好 一個圓圓既芋頭酥包圍著雞塊  芋頭外層未算酥化 但中間既芋頭蓉軟綿,雞肉嫩滑 《蒸點心拼盤 $148》 蝦餃皇  帶子鳳眼餃 海棠素粉果   意想不到的是點心好好味 蝦餃皇和帶子鳳眼餃脹卜卜,鮮味彈牙 環境好舒服 熊貓cocktail 可愛到令我開心了一個晚上❤ -------------------------------------------------------- Fang Fang 8/F LKF Tower, 33 Wyndham Street, Central, Hong Kong, Central

快樂午餐 @Sushi Zen 壽司善 本店 (Sapporo札幌 Hokkaido北海道)

《札幌的 🌟壽司店 》 來到札幌,不能不試這家有名而較易訂到位的壽司店。 壽司善本店位於円山公園旁邊 由於是駕車前來,當來到店的門前時,便致電店家查詢泊車的位置 店員非常友善地引導我們駛往店後的空地 ---------------------------------------------------- 點餐後,沙律菜便隨即送上 開始製作我的午餐😁 <6000円 連稅 11件壽司套餐> [海膽魷魚] 魷魚鮮甜而質感柔軟,加上海膽後鮮味更突出   [炙燒北寄貝] 被輕輕燒過的北寄貝多了一分燒過的香味,但個人還是喜歡鮮北寄貝的味道和質感 [三文魚子飯] 三文魚子放在一個很細小的碗上,十分精美 三文魚子的表面夠薄,只需輕輕一咬便會破裂,鮮味和鹹味控制得剛剛好  [赤身吞拿魚] 即使是較少脂肪的吞拿魚赤身,吃起來也一點也不覺得硬 [拖羅] 相比起赤身吞拿魚,這件中拖羅帶白色的油花 口感當然相對柔軟而肥美⁠⁠⁠⁠ [海膽] 海膽色澤偏黃,入口甘甜而沒有怪味 入口即溶幸福感爆滿💗 [玉子] 💗💗💗 這件玉子壽司是我的最愛! 💗💗💗 玉子質感非常鬆軟,有點像海綿蛋糕的感覺,蛋味非常香濃! 由於非常滿意食物質素,所以當知道有太卷可以外賣的時候,非常興奮! 沒想到太卷的size是非常大! 本來覺得2700円的太卷有點貴,但見到份量和用料後便改變了想法⁠⁠⁠⁠😀 <太卷 2700円> 吃了一件後便帶其他回酒店再吃! 當壽司師傅知道我們是從香港來的時候,便問我們有沒有去過中環的鮨佐瀬! 原來佐瀬師傅在壽司善工作了很多年再來香港開店! 閒聊期間,師傅手起刀落地在葉上𠝹來𠝹去,然後放入保鮮紙中。 突然師傅說這是送給我的禮物! 原來他說今日的葉是他近年來見過最香的,所以將葉送贈給我留念!💗 簡單的一份禮物成功縛著我對師傅的心😍 我一定會再來探師傅的💗 --------------------------------------------------...