蜀大俠咁出名 我終於等到熱潮微微減退先book到枱！ 但6點幾已經坐無虛席 所以想食既朋友都係訂左枱先好啲 先來前菜醒醒胃 紅白鴛鴦鍋 $138 汲取左上次食麻辣火鍋既經驗 呢個紅白鍋非常適合 食到啲辣又唔想食到喊既人！ 平時食譚仔五小辣既我點左微辣 辣辣地已經夠開心過癮 如果怕太辣又可以將食物放喺唔辣既湯 食物煮完會變得鮮甜 舌尖上的蜀大俠 $98 牛舌玫瑰真係好靚！ 可能要保持花形既關係所以雪得比較硬 食到中後段都未溶曬雪 建議大家一坐落就好點呢份牛舌 牛舌切得薄身既關係所以滾兩滾就熟 質感爽口 花千骨 $108 (推薦推薦) 呢晚最好食既係花千骨！ 花千骨係醃過麻辣醬汁既豬肋骨 份量唔少所以幾抵食！ 豬肋肉肉質有啲似牛肋肉 嫩滑中帶嚼勁 一開始既時候因爲賣相靚到以為就咁食 好白痴咁咬完發現係生肉黎～哈哈哈哈～ 手切安格斯牛肉（細）$198 相比有特色既花千骨 呢客牛肉既份量就有點兒比下去 牛肉味濃而牛肉有點厚度 所以好有口感 但一碟只有十數片 確實唔太夠喉 冰川鵝腸 $98 呢度既另一特色菜色 鵝腸放喺圓形透明波波內 點可以唔相機食先？ 鵝腸本身已經洗得好乾淨 滾兩滾就食得 質感爽口而無怪味 點埋麻油別有一番風味！ 蓮藕片 $32 麻辣蓮藕真係好正！ 將蓮藕放到麻辣湯煮 蓮藕完全吸收湯底既味道 爽口又帶粉粉地既質感係最好食！ 紅糖糍粑 $58 呢間紅糖糍粑偏軟身 質感好煙軔！ 總結: 以麻辣湯底來說, 漲格的麻辣比較香同惹味 以食材來說，蜀大俠又略勝一籌😊 -----------------------------------------------------------------------