前兩個星期食過呢間樓上既磯野水產 實在相當滿意 令人又有再食浜燒既衝動 所以又番黎呢間印象非常良好既 漁獲浜燒同朋友聚聚舊～ <特製黑松露炙燒平目魚邊沙律 $138> 先來一客沙律 平目魚邊好肥美 入口油香滿溢 而沙律菜可以中和番魚既油膩感，相當唔錯 <來福 大吟釀 $348> 為左迎接刺身，當然要飲番杯！ 今次呢枝來福比一景一酌更香醇，更有層次感 <刺身盛合 $408> 盛合中最搶眼既當然係牡丹蝦！ 蝦既長度比手掌更長 蝦肉色澤亮澤晶瑩，水份充足 咬落去既時候彈牙爽口，味道甘甜 確實係令人有encore既衝動！ 拖羅 雖未到大拖羅質素 但無筋夠軟，肥美程度令人相當滿意！ 油甘魚 三文魚 每片夠厚夠大片，有口感之餘亦夠鮮甜 <秋刀刺身 $298> 一到秋天，就係秋刀魚既季節 食得多三文魚吞拿魚覺得厭既朋友 不如食秋刀魚刺激下味蕾 刺身鮮甜帶微腥，醬汁以薑蓉、芥末、蔥及酸汁混合而成 魚頭、尾及骨會被炸成非常香脆的小食 <活貝漁獲浜燒盛合 $768> 珍寶大蝦，松葉蟹腳，鮑魚，蠔，帆立貝 食之前待應哥哥好識做，捧出黎比我地餵飽相機先 海鮮賣相新鮮，尤其是鮑魚相當搶眼 比起甜甜地既磯燒鮑魚 我更加喜歡呢隻燒鮑魚 鮑魚雖未算非常厚身 但肉質彈口爽口 海水既咸香同鮑魚既甜味停留在口中良久，回味無窮 大蝦 蟹腳 蠔 <味噌蟹甲羅燒 $78> 每次食浜燒，都唔可以唔點甲羅燒！ 蟹膏同蟹肉混合後雖然顏色唔太討好 但蟹既鮮味同咸香真係令人食到停唔到口！ 呢度有多士比你配蟹膏食，但多士就未算香脆 最後當然要食甜品，先夠圓滿! ----------------------------------------------------------------- 餐牌